|
TLG 2367 002 :: THEOGNIS :: Fragmentum THEOGNIS Hist. Fragmentum Source: Müller, K. (ed.), FHG 4. Paris: Didot, 1841–1870: 514. Fr. 1 Citation: Fragment — (line) | ||
t1 | ΠΕΡΙ ΤΩΝ ΕΝ ΡΟΔῼ ΘΥΣΙΩΝ. E LIBRO SECUNDO. | |
1 | Athenaeus VIII: Καὶ χελιδονίζειν δὲ καλεῖται παρὰ Ῥοδίοις ἀγερμός τις ἄλλος, περὶ οὗ Θέογνίς φησιν ἐν δευτέρῳ Περὶ τῶν ἐν Ῥόδῳ θυσιῶν, γράφων οὕτως· «Εἶδος δέ τι τοῦ ἀγείρειν χελιδονίζειν | |
| 5 | οἱ Ῥόδιοι καλοῦσιν, ὃ γίνεται τῷ Βοηδρομιῶνι μηνί. Χελιδονίζειν δὲ λέγεται διὰ τὸ εἰωθὸς ἐπιφωνεῖσθαι· Ἦλθ’, ἦλθε χελιδὼν, καλὰς ὥρας ἄγουσα, καλοὺς ἐνιαυτοὺς, | |
|---|---|---|
| 10 | ἐπὶ γαστέρα λευκὰ, ἐπὶ νῶτα μέλαινα. Παλάθαν οὐ προκυκλεῖς ἐκ πίονος οἴκου, οἴνου τε δέπαστρον, | |
| 15 | τυροῦ τε κάνιστρον καὶ πυρῶν; ἁ χελιδὼν καὶ λεκιθίταν οὐκ ἀπωθεῖται. Πότερ’ ἀπίωμες, ἢ λαβώμεθα; εἰ μέν τι δώσεις· εἰ δὲ μὴ, οὐκ ἐάσομες· | |
| 20 | ἢ τὰν θύραν φέρωμες, ἢ θὑπέρθυρον, ἢ τὰν γυναῖκα τὰν ἔσω καθημέναν· μικρὰ μέν ἐστι, ῥᾳδίως μὶν οἴσομες. Ἐὰν φέρῃς δέ τι, μέγα δή τι καὶ φέροις. Ἄνοιγ’ ἄνοιγε τὰν θύραν χελιδόνι· | |
| 25 | οὐ γὰρ γέροντές ἐσμεν, ἀλλὰ παιδία. Τὸν δὲ ἀγερμὸν τοῦτον κατέδειξε πρῶτος Κλεόβουλος ὁ Λίνδιος ἐν Λίνδῳ χρείας γενομένης συλλογῆς χρη‐ | |
| μάτων.» | 514 | |